කැටයම් වුනා එය බිතු සිතුවම් සේම
දෙනෙත් වලින් පමණක් වන හමුවීම
පෙන්වයි ලපටි බව අප සිත්වල තාම
තරුවක් ලෙසින් ආ නිල් අබරේ පායා
සිත්තරකුගේ තෙලි තුඩකින් හැදි සේයා
මගෙ ඇස් වලටනම් වරදක් නොම වේයා
ඔබ නොදෙවෙනිය දේවිය හට මහමායා
ලස්සන ඇස් දෙකට සුන්දර සිනාවට
මට කවි ලිවිය හැක තාලෙට කලාවට
හිරුට සදුට එක්වෙනු බැරි තුරාවට
අපි එක් නොවේ මේ ජීවිතෙ පුරාවට
පාලුව දැනෙන විට ගීයක් මුමුනන්න
සද සාවියව ඔබගේ තනියට ගන්න
දුකක් දැනුන හැම විටකම හිනැහෙන්න
පෙම හිමි නැතත් සද සේ ඔබ බබලන්න.
පද චමින්ද මලලසේකර
No comments:
Post a Comment