භුතයගෙන් අහන්න

කට්ට කනව කියන එකේ ඇත්ත කතාව

ජිවිතය වෙනස් කරන විනාඩිය

කිංග්ස්වුඩ් විදුහලේ වැඩ බැරි වැඩ බලන විදුහල්පතිගේ හා චක්ගෝලයන්ගේ දූශණ හා වංචා

2019 මාර්තුමස 22 වන දින පැවති කිංග්ස්වූඩ් විද්‍යාලීය පාසල් ස්ංවර්ධණ සමිතියේ මහ සභාව සදහා විද්‍යාලීය වැඩබලන් විදුහල්පති එච්. ඒ. බන්ඩාර මහතාගේ අත්සනින් යුතුව සභාගත කරන ලද අයවැය වාර්තාව සභාවෙන් ප්‍රතික්ශේප වූ අතර එහි වියදම් පැහැදිලි කිරීමට වැඩබලන විදුහල්පති වරයා අපෝහොසත් වීම ඒ සදහා මුලික වූ හේතුව වීය.

එසේම සංවර්ධන සමිතියේ මුදල් දෙසැම්බර් 31 වන විට  පාසලේ සංවර්ධන වැඩ සදහා යෙදවිය යුතු අතර පාසල දිනෙන් දින ජරාජීර්න වෙන පසුබිමක ගිනුම තුල මිලියන 19 ක් ඉතිරිව තිබීමද දෙමාපියන්ගේ විමතියට හේතුවිය. එසේ ඉතිරිව තිබියදී නව වර්ශය සදහා රුපියල් 6000ක් පමන පහසුකම් ගාස්තු ලෙස එකතු කිරීමට මෙම කේවට්ටයන් සූදානම් වෙමින් සිටී.

පාසල් සංවර්ධණ සමිතියට අදාල චක්‍රලේකණයට අනුව මෙම අයවැය මාර්තු 31 වනදාට පෙර සම්මත කරගැනීමේන් අනතුවරුව විඝණනය සදහා අදාල අංශවෙත ලබාදියයුතු උවද මහසභාවෙන් මාස දෙකක් ගතවන තුරුම එය සම්මත කරගැනීමට මෙම වැඩබලන් විදුහල්පති වරයා අසමත්ව සිටී.

අප්‍රේල් පාසල් නිවාඩුව හා 21න් පසු රටේ තත්වය මහසභාවක් නොපැවැත් වීම සදහා නිදහසට කරුනු විය හැකි අතර මාර්තු 22 සිට අප්‍රේල් 6 පාසල් වාර නිවාඩුව සදහා සති දෙකක් කාලයක් තිබු අතර එම කාලය තුල නැවත මහසභාවක් නොකැද වූවේ අයවැයේ අඩුපාපු සකසා ගැනීමට නොහැකි වු නිසා බවත් එයට අව්ශ්‍ය ව්‍යජ බිල් සකසා ගැනීමට නොහැකි වු නිසාවෙනැයි දෙමාපියන් තුල මහත් සැකයක් පවතී.

මහසභාවේදි අය වැය පිලිබදව අසන ලද ප්‍රශ්ණවලට පිලිතුරු ලබාදීමට අසමත් වූ වැඩබලන විදුහල්පති වරයා ඔහුගේ වැඩබැරි බව සමස්ත සභාව ඉදිරියේ ප්‍රධර්ශණය කරන ලදි. එම අවස්තාවේ සභාවේ රැදීසිටි ලන්කා ෆ්‍රැන්සිස් නියෝජ්‍ය විදුහල්පති වරයා හා නවරත්න නියෝජ්‍ය විදුහල් පතිතුමියද මෙම අයවැය පිලිබදව කිසිවක් කීමට අපොහොසත් වූ අතර පාසලේ සම්පත් අවභාවිතා කිරීමටනම් ඔවුන් අති දක්ශයන් බව අපට අනාවරණය වී ඇත.

කෙසේ නමුත් ක්‍රිකට් තණතීරු සැකසීමට යනුවෙන් ලක්ශ 10 ක මුදලක් සංවර්ධණ සමිති ගිනුමෙන් පිටකර ඇති අතර ඒ පිලිබදව පැහැදිලි කිරිමට මෙම වැඩ බැරි විදුහල්පති වරයා අපොහොසත් වූ අතර කිසිම සොයා බැලීමකින් තොරව මෙම අයවැය අත්සන් කර ඇතිබවට එය ප්‍රමාණවත් සාක්ශියක් වීය. එසේම ක්‍රීඩාභාර ආචාර්ය වරයා වන නියෝජ්‍ය විදුහල්පති ෆ්‍රැන්සිස් මහතාද එම මුදල පිලිබදව පැහැදිලි කිරීමට අපොහොසත් වූ අතර එම මුදල වියදම් වූ ආකාරය පිලිබදව ලදුපත් පාසලේ නොතිබූ බවත් ඒවා සැකසීමට තුන්වන පාර්ශව වෙත කතාකරන බවත් ශාක්ෂි සහිතව අපවේත තොරතුරු ලැබී ඇත.

තවත් අපහැදිලි තැන් ගනනාවක් මෙම ගිණුම තුල දැකිය හැකිවන අතර සමහර වැය සදහා ව්‍යාජ බිල්පත් ඉදිරිපත් කර ඇතිබව අපි සාක්ෂිසහිතව ඔප්පු කිරීමට සූදානමින් සිටිමු.

මේ පිලිබද විදිමත් පරීක්ෂණ තාමත් අවසන්වි නොමැති බැවින් සියලු තොරතුරු මෙම ලිපිය මගින් ඉදිරිපත් නොකරන අතර අවශ්‍ය අවස්තාවලදී සියල්ල නම් සහිතව හෙලි කිරීමට අප සූදානමිනි සිටිමු.

පාසලේ දරුවෙකු අසනීප වූ විට ත්‍රීරොද රතවල රෝහල වෙත යවන පාසලේ ක්‍රීඩා කන්ඩායම් සදහා වැන් රතය ලබා නොදෙන හා ලබා දුන්නද ඒ සදහා ඉන්ධණ සදහා දෙමාපියන්ගෙන් අයකරගන්න මෙම විදුහල් පති ඇතුලු නඩය පාසල් වැන් රතය උපරිමයෙන් අවභාවිතා කරන අතර ෆ්‍රැන්සිස් හා නවරත්න දෙපල මේය තමන්ගේ බුදලක්යැයි සිතා සිටිති.

පාසලේ සිදුවන දුශණ සදහා මොවුන් දෙදෙනාද සම්භන්ධ වන අතර ඔවුන් පාසලක් පරිපාලනයට සුදුසුද යන්න සිතෙන ආකාර්යේ මෙන්ම ඔවුන් පිලිබදව පිලිකුලක් ඇතිවන ආකාරයේ දුශණ පිලිබද තොරතුරු ශාක්ෂි සහිතව අපවෙත ලැබී ඇති අතර අප ඒවා පුද්ගලිකවම පරික්ශාකර තහවුරු කරගනු ලැබීය.

මෙවන් හොර දෙටුවන්ගේ ක්‍රියාවන් නිසා ශ්‍රිලංකාවේ ප්‍රධාන පාසලක් වන කිංග්ස්වුඩ් විද්‍යාලය දිනෙන් දින පරිහානියට පත්වන අතර. සමස්ත පාසල් පද්ධතියෙන්ම මෙවන් වගකීමක් නැති මිනිසුන් අතුගා දැමිය යුතුය

මේ පිලිබදව පැමිනිලි අප අධ්‍යාපන අමාත්‍ය වරයාට , ලේකම් වරයාට, විඝණකාදිපති වරයාට , පලාත් අධ්‍යාපන අධ්‍යක්ශක වරයාට හා අල්ලස හා දුශණ කොමිසමට දැනුම්දී ඇති අතර විශිෂ්ට පාසලක ශිෂ්ටත්වය රැකගැනීමට ඔවුන්ගේ ඉක්මන් පරීක්ෂණයක් සිදුවෙන තුරු බලා සිටිමු.

සටහන ආචාර්ය චමින්ද මලලසේකර
(සියලු දත්ත මා සතුව ඇත )

චායාරූප කීපයක්  RANDLES LEGION

ජාති වාදියෝ සහ වීර තම්බියෝ

ප්‍රභාකරන් අපට අමතකය, ශ්‍රී දළදාමාලිගයට බෝම්බ ගැසූ, ශ්‍රී මහා බෝධිය අසලට පැන බෞද්ධයන් සමූල ඝාතනය කල අරන්තලාවේදී භික්ශූන් කපා කොටා ඝාතනය කල කරුණා අම්මාන් අපිට අමතකය, මේ සියල්ලට අනුබල දුන් කුමරන් පද්මනාදන් හෙවත් K.P අපිට අමතකය,

නමුත් සහරාන් ඇතුලු මුස්ලිම් නඩය අපට තාමත් අමතක නැත 300 කට අදික පිරිසකට මරු කැදවමින් 500 කට අධික පිරිසක් තුවාල කල මුලු රටම පස්සට ඇද දැමූ සහරාන් සාප ලබමින් තාමත් අප සිත්වල සිටී. ඒ සිද්ධියේ උණුසුම නිසාය.

අමිහිරි මතකයන් අමතක කිරීම හොදය ඒවා කරපින්නාගන ජාතියක් ලෙස අපිට ඉදිරියට යා නොහැක. සිද්ධීන් අමතක කලද අප අත්දැකීම පාවිච්චි කල යුතුය,

ශිෂ්ඨ මිනිසුන් අමිහිරි දේ අමතක කරද්දී සිද්දිය වවා ගනිමින් දේශප්‍රේමින් බිහිවී ඇවිලෙන ගින්නට පිදුරු දමන අයුරු අපි දුටුවෙමු. ඔවුන් තම්බින්ට ගැසුවේය තම්බින්ගේ කඩ ගෙවල් කුඩු කර දැම්මේය, පදම මදිවූ විට සිංහල මිනිසකුගේ තැබෑරුමට පහර දී ඇති තරම් සප්පායම් උනේය .

සහරාන් එකවර 300ක් මරා 500 කට තුවාල සිදුකරන විට මදූශ් මැරි මැරි උපදින දෙමාපියන්, 1000 ගනනක් බිහිකරමින් දහස් ගනනක් වූ අපේ තාරුණ්‍ය විනාශ කර දැම්මේය.

මදුශ් හා ඔහුගේ හෙන්චයියන් සිංහල වූ පමනින් අපි සියල්ලෝ කුඩු මුදලාලිලා නොවූහ.මදූශ් සිංහල වුවද මදූශ්ට එලව එලවා පහර දුන්නේ D.I.G. ලතීෆ්ය

 සිංහලයෙකුට තම්බියෙක් පහර දෙන බව කියන්නට අපිට ශක්තියක් නොවීය. ඒ තම්බියා ඉදිරියේ මහා වීර කුඩු මදුශ් වෙවුලුවේය , එය තම්බියා සිංහලයා යට කිරීමක් නොව දක්ශ පොලිස් නිලධාරියෙකු කුඩ්ඩෙකු අල්ලා ගැනීමක් විය.

සහරාන් දේශද්‍රෝහී තම්බියෙක් වන විට මේජර් මුතාලිෆ් අපිට දේශප්‍රේමියෙකි. හමුදා බුද්ධි අංශතුල කැපී පෙනෙන දශ්කම් පෑ මුතාලිෆ් තම්බියෙක් වුව ජාතික වීරයෙකි ඔහු රැක්කේ සමස්ත ශ්‍රී ලාංකිකයන් මිස ජාතීන් නොවේ.

බෞද්ධයන් බුද්ධිමතුන්ය එසේම බොහෝ සිංහලයන්ද බෞද්ධයන්ය එසේනම් අප බුද්ධිමත් ජාතියක් බව අමුතුවෙන් කිව යුත්තක් නොවේ. බුද්ධිමත් මිනිසුන් ත්‍රස්තවාදියා හදුනා ගනී, ත්‍රස්තවාදියා හෝ කුඩු වෙලෙන්දාගේ ජාතිය හෝ ආගම කුමක් වුව අපි ඔවුන් පිලිකුල් කරති.

D.I.G  ලතීෆ් මෙන්ම මේජර් මුතාලිෆ් ද නිල ඇදුමට කඩවසම්ය, ඔහු සිංහල අපිට සාමාන්‍යය. ඔවුන් අපෙන් එකෙක් බව අපට දැනෙන්නේ ඒ නිසාය. නමුත් සහරාන් රැවුල වවා කබා අදින අන්තවාදියෙකි සහරාන් අසාමන්‍ය මිනිසෙකි ඔහු අපේ එකෙක් සේ නොහැගේ , කබා අදින රැවුල දිග සියල්ලො අපිට ත්‍රස්තවාදීන් සේ පෙනෙයි.

මොන බන කිවුවත් අපි පෘත්ග්ජන මිනිසුන්ය අපි හැමට ආවේග ඇත එමනිසා සිංහලයා කුපිත වෙන ලෙස නොසිට ඇදුමෙන් පවා සාමාන්‍ය වූ විට අපිට තම්බියාද සිංහලයාද වෙනසක් නොදැනීමට ඉඩ ඇත.

දමිළ, මුස්ලිම්, කතෝලික සැමට පන්සලේ දොර ඇරී ඇත. මේ සියල්ලන්ටම කිතුනු පල්ලියද කොවිලද ඇරී ඇත. මුස්ලිම් පල්ලිය සැමට විවෘත විය යුතුය ධර්මය පතුරන්නට රහස් කාමර අවශ්‍ය නැත. ඉගන ගන්නට ශරියා අවශ්‍ය නැත.

අපි තම්බියා කියන්නේ ආදරයටය, තම්බියා ගුටි කන්නේ සමහර තම්බි සිරිත් නිසාය අතීතය බොහෝ පාඩම් කියා දෙද්දී අපි එවා ඉගන වෙනස්විය යුතුය.

සහරාන්ලා, මදුශ්ලා නොව තව තවත් ලතීෆ්ලා, මුතාලිෆ්ලා හදන්නට අපි උත්සහ කල යුතුය එවිට පුන්චි දිවයින බලවත් රාජ්‍යයක් බවට පත් කල හැක

සිංහල කුඩ්ඩාට පහරදෙන තම්බි ලතීෆ්ට අපි ආදරය කරන්නේ ජාතියට නොව ක්‍රියාවටය, මුතාලිෆ් අපිට සම්පතක් වන්නේ ජතියෙන් නොව ක්‍රියාවෙනි,

බුදුන් පුදන අපි දැනගත යුත්තේද පුද්ගලයකු වසලයකු හෝ බ්‍රාහ්මණයකු වන්නේ ක්‍රියාවෙන් මිස ජාතියෙන් හෝ කුලයෙන් නොවන බවය. පහරදිය යුත්තේ ක්‍රියාවට මිස ජාතියට නොවන බව තේරුම් ගැනීමට කාලයයි  මේ

චමින්ද මලලසේකර

21 ප්‍රහාරය, ලෝක ත්‍රස්තවාදය හා නැවත නැගීසිටීම

21 ප්‍රහාරයත් සමග ත්‍රස්තවාදය හා රටේ ඉදිරි වැඩ පිලිවල පිලිබදව  බොහෝ අය අදහස් දක්වති ඉන් වැඩි දෙනකු මෙම ලිපිය කියවීමට කම්මැලියන් වන අතර ඉක්මනින් දැකිය හැකි බොරු බෙගල් විශ්වාසකරමින් අදහස් ප්‍රකාශකරන්නන්ය. 

එම නිසා මේ ලිපිය උඩින් පල්ලෙන් බලා දොඩවන්නන් සදහා  නොව කියවා බලා යතාර්තය තේරුම්ගන්නන් සදහාය.

වසර 10 කට පසු ත්‍රස්ත භීතියෙන් රට ගිනිගෙන ඇත ඒ අමිහිරි හා බිහිසුනු අත්දැකීම සමස්ත රටතුලම පැතිරගියේය. අන්තවාදය නැවතත් තම මිලේච්චත්වය ලොවට කියා පෑවේය. අප අවුරුදු 30ක කුරිරු යුද්දයක ත්‍රස්තවාදී අත්දැකීම් විද ඇත්තෙමු, නමුත් LTTE ත්‍රස්තවාදය හා අන්තවාදි ඉස්ලාම් ත්‍රස්තවාදය හාත්පසින් වෙනස්ය. LTTE යනු අපරටේ ක්‍රියාකාරි වූ ත්‍රස්ත කන්ඩායමක් වූ අතර ඔවුන්ට පැහැදිලි අරමුනක් තිබින. ඔවුන් යුද වැදුනේ ඒ අරමුන උදෙසාය ඔවුන් වෙනත් රටවල් වෙත ප්‍රහාර එල්ල නොකලේය නමුත් ඉස්ලාම් අන්තවාදීන්ට පැහැදිලි අරමුණක් නොමැත ඔවුන් සටන් වදින්නේ නැත ඔවුන් මිලෙච්ච ප්‍රහාර එල්ල කරති ඒ දෙවියන් උදෙසාය. 

ඔවුන් ලෝකය පුරා ත්‍රස්තවාදය පතුරවමින් සිටී. අප එම දරුණු ඛේදවාචයකයකට මුහුණදි අවසන්ය ආර්තිකයටද ඉමහත් වු බලපැමක් එල්ලවී ඇත. දැන් අපි කල යුත්තේ මාද්ය වීරයන් වීම නොව සැබෑ ආර්තික හා ආරක්ශක විසදුමක් සොයා යාමය.

ISIL සංවිධානය මෙම පිපිරවීම සදහා වගකීම භාරගෙන ඇත, ලෝකයේ අනිත් රටවලට ඔවුන් කල පහරදීම සලකා බැලීමේදි මෙය ඔවුන් කල බවට සිතන්නට මෙන්ම තහවුරු කර ගැනීමට හේතු සාධකද ඇත. අන් රටවල සිදුකල පිපිරවීම් වලට සාපේක්ශව මෙහි දැකිය හැකි ලොකුම වෙනස වන්නේ සියලුම ත්‍රස්තවාදීන් මෙරට පුරවැසියන් වීමය. ආගම් ප්‍රචාරය හා ක්‍රියාකාරකම් සදහා අප ලබාදුන් අසීමිත නිදහස එයට බලපෑ හේතුවක් විය හැක. 

අතිතය අපිට බොහෝ දේ කියා දෙනු ඇත. ලොකයේ අනිත් රටවල සිදු වූ මෙවන් බිහිසුනු පිපිරවීම හා ඒවාට පසු එම රටවල් සාමන්‍ය ජනජීවිතය ගොඩනැගු අයුරුත් එම රටවල ආර්තිකය ගොඩ නංවාගත් ආකාරයත් ඒ සදහා යොදගත් උපායන් අධ්‍යයනයත් අපට වැදගත් විය හැකි බව නිසාවෙන් කෙරෙන සටහනකි මේ. 

9/11 වොෂින්ටන් ප්‍රහාරය

ලොකයේ සිදු වූ දරුණුම ත්‍රස්ත ප්‍රහාරය ලෙස සැලකිය හැකි අතර එය අල්කයිඩා නම් ඉස්ලාම් අන්තවාදීන් විසින් සිදුකරන ලදි. ගුවන්යානා දෙකක් පැහැරගැනීමෙන් සිදුකල මෙම ප්‍රහාරය 2996 කට පමණ ජීවිත අහිමිකල අතර 6000 කට වඩා පිරිසක් තුවාල ලැබුහ. 

සිදිදියෙන් පසු වේගයෙන් ක්‍රියාත්මක වූ ඇමරිකානු රජය වසරක් තුල පෙන්ටගනය මුලුමනින්ම සාදා අවසන් කල අතර මෙම ව්‍යසනයේ අදුරු සෙවනැලි වලින් ගැලවීමට වසර 5කට අධික කාලයක් ගතවිය. 

බාලි (ඉන්දුනීසියා) ප්‍රහාරය

2002 ඔක්තෝම්බර  12 වන දින සිදුකල ප්‍රහාරයද ස්තාන 3 කදී එකවර සිදුකල අතර අල්කයිඩා සංවිධානය මෙම පහරදීමේ වගකීම භාර ගන්නා ලදි. පුද්ගලයින් 202 කට ජීවිතය අහිමිකල මෙම සිදුවීමෙන් 220ක් පමන තුවාල ලැබීය මියගිය පිරිස බහුතරයක් විදේශිකයන් වූ අතර (ඔස්ට්‍රලියන් ජාතිකයන් 88, සහ වෙනත් විදේශිකයන් 20 ඒ අතර වියා  එම සිදුවීම ඉන්දුනීසියානු රජයට මහත් ආර්තික පරිහාණියක් ගෙනදුන්නේය. අද ඉන්දුනීසියාව ලොකයේ ප්‍රධාණ විදෙස් සංචාරක නවාතැන්පලක් වී ඇත.

2015 නොවැම්බර් පැරිසියේ ප්‍රහාරය 

ISIL නම් අන්තවාදි ඉස්ලාම් ත්‍රස්තවාදීන් විසින් සිදුකල මෙම ප්‍රහාරයද එකම අවස්තානයේ ස්තාන කීහිපයක් ඉලක්ක කරගනිමින් සිදුකල අතර එම ප්‍රහාරය සදහාද බෝම්බ කරුවන් තිදෙනෙකු සහභාගි වී සිටියේය. පාපන්දු ක්‍රීඩා තරගයකට එල්ලවූ ප්‍රධාන ප්‍රහාරය සමගම තවත් ස්තාන දෙකක පිපිරවීම් සිදුවූ අතර මෙම ප්‍රහාරයට සමගාමිව වෙඩිතබා ඝාතනය කිරීමක්ද සිදුවිය. 

සිරියා යුද්ධයට සහයදීම නිසා පලිගැනීමක් ලෙස සිදුකල මෙම ප්‍රහාරය උදැසන 9.20, 9.30 හා 9.52 යන වේලාවන්හිදි සිදුකරන ලදි. 

2016 බෙල්ජියමේ බෘසල්ස් ප්‍රහාරය

2016 මාර්තු 22 වනදින බෘසල්ස් ගුවන්තොටුපලේදී සිදුකරන ලද මෙම ත්‍රස්ත ප්‍රහාරයද බොම්බ කරුවන් තිදෙනෙකු යොදවාගන කරන ලද පිපිරවීම් මාලාවකි. ගුවන්තොටුපලේ මෙන්ම මාල්බේක් මෙට්‍රො දුමරිය ස්තානයේද පිපිරවිම සිදු කල අතර 35 දෙනෙකුට මරු කැදවූ මෙම ප්‍රහාරය තුලින් 320 ක් පමණ තුවාල ලැබීය. එසේම එම බෝම්බ ප්‍රහාරයෙන් පසුව කරන ලද සෝදිසි මෙහෙයුම් වලදී තවත් පුපුරා නොගිය බෝම්බ කීපයක් සොයාගැනීමට බෙල්ජියම් ආරක්ශ අංශ සමත්විය. 

ලෝක ත්‍රස්තක්‍රියා හා පාස්කු ඉරිදා ප්‍රහාරය අතර සම්භන්ධය

මෙම සිදුවීම් හා පාස්කු ඉරිදා ප්‍රහාරය අතරද සම්භන්ධකම් දැකිය හැකිවන අතර විශේෂය වන්නේ පාස්කු ප්‍රහාරය දේශිය ත්‍රස්තවාදීන් විසින් සිදු කිරීම හා ස්ථාන 6 කදී සිදු කිරීමය. 

අල්කයිඩා හෝ ඓSඓළ් සංවිධාන රටවල් අත්පත් කරගැනීමේ අභිලාශයෙන් ඉහත කිසිම ප්‍රහාරයක් සිදු කර නොමැති අතර සියල්ල පලිගැනීමේ චේතනාවෙන් සිදුකල ඒවා ලෙස පෙනී යයි. 

කෙටිකාලින හා ඉක්මන් උපායන්

බෙල්ජියමය සිදුවීමත් සමගම ගුවන්ත්ටුපල ක්‍රියාවන් හා පොදු ප්‍රවාහනයන් මුලුමනින්ම නවතා දැමූ අතර නගරයේ සියලු ක්‍රියාවලින් නවතා සොදිසි මෙහෙයුම් සිදුකරන ලදි. නගරයේ පොදු ප්‍රවාහනය දිනක්දී සාමාන්‍ය තත්වයට පත්කල අතර දින 11කදී ගුවන්තොටුපල විවෘත කරන ලදි

දුරකතන භාවිතයේදි ඇති වූ තදබදය නිසා සමාජ මාධ්‍ය හරහා තම සමීපතයන්ට තමාගේ තත්වය පැහැදිලි කරන ලෙස රජය ප්‍රකාශ කල අතර බෙල්ජියම් ජාතිකයන් දැඩි විනයක් ඇතිව සමාජ මාධ්‍ය භාවිතා කලේය.

ප්‍රංශ ප්‍රහාරයෙන් පසු මාධ්‍ය මගින් සිදුවූ අසත්‍ය ප්‍රචාර නිසා සාමාන්‍ය ජන ජීවිතය අඩාල වූ අතර මාධ්‍ය සිදුකරනු ලබන අසත්‍ය ප්‍රචාරවලට විරුද්ධව ක්‍රියාකිරිමට රජය තීන්දුකිරීමත් සමගම සාමාන්‍ය ජන ජීවිතය යතා තත්වයට පත්විය

ත්‍රස්තවාදයෙන් පසු ආරක්ශාව හා අර්තිකය ගොඩනැංවීම

මෙම සෑම ක්‍රියාවලියක්ම විදෙස් සංචාරක ක්‍රමාන්තය ඉලක්ක කරමින් සිදුකල ඒවා වන අතර සිදුවීම් වලින් පසුව සාමාන්‍ය තත්වයට සංචාරක ව්‍යාපාරය පත්විම සදහා අවම මාස 13 ක කාලයක් ගත වී ඇත. නමුත් මාසයක් වැනි කෙටි කාලයකින් සාමාන්‍ය ජන ජීවිතය යතාතත්වයට පත් වී ඇති අතර ප්‍රධාන සිදුවීමෙන් පසු ප්‍රහාරයන්ද වාර්තා වී නොමැත.

ප්‍රංශය හා බෙල්ජියම භාවිතා කල ප්‍රහාරවලින් පසු රට හා සංචාරක ව්‍යාපාර සාමාන්‍ය තත්වයට පත්කලහැකි උපාය මාර්ග 

01. දේශීය මෙනම් විදේශිකයන්ගේ විස්තර අන්තර්ජාලය හරහා දැනුවත් කිරීම. විදේශිකයන්ගේ විස්තර ඉතා ඉක්මනින් අන්තර්ජාලයට මුදා හල අතර ඔවුන්ගේ සියලු අවශ්‍යතා රජය විසින් සපුරාලන ලදි 

02. රජය විසින් එකමුතු බව වර්ධනය කල අතර බිය වෙනුවට සහකම්පනය වැඩිකල අතර එක්වී දුක බෙදා ගැනීමට හා අනෙකාගේ හැගීම් අවබොධ කරවීමට පියවර ගන්නා ලදි. ජනතාවද භීතිය වැපිරවීම වෙනුවට නැගීසිටීම හා එහි වැදගත්කම ඉස්මතුවන ක්‍රියාකාරකම් වල නිරතවිය.

03. ඉතාමත් ඉක්මනින් එම රටවල් සංචාරයට සිදුසු හා ආරක්ශිත බව ලොවට දැනුම්දෙන  (Relax in Brussels,Romantic Paris ) වැනි ප්‍රවර්ධන සිදු කල අතර එය නොකඩවා සිදු කරන ලදි. 

04. ජනතාවට නිවැරදි හා විශ්වාසදායී තොරතුරු නිතර නිතර ලබාදුන් අතර අසත්‍ය පුවත් ප්‍රචාරය කරන මාධ්‍ය හා සමාජ මාධ්‍ය පිලිබදව දැඩි දඩුවම් පමුනුවන් ලදි.

සිදුවීම සිදු වී හමාරය ජාතියක් ලෙස අපි නැගීසිටිය යුතුය. පුරුවැසියන් ලෙස අපට කල හැකි දේ බොහොය. මොකුත් කල නොහැකිනම් අසත්‍ය පතුරුවා හරින හෝ තහවුරු කර නොගත් තොරතුරු හෝ පතුරුවා හැරීම නොකර සිටිය යුතුය.  ප්‍රායෝගික නොවන සටන්පාට ඉවත දා නිවැරදිව කල හැකි දේ කල යුතුය. මේ සටහන ඔබට ත්‍රස්තවාදයේ ස්වරූපය මෙන්ම ඉන්පසු ගොඩ නැගීමට අවශ්‍ය සරල කාරනා කීපයක් සමාජ ගත කිරීම සදහාය. ඇමරිකාව, ප්‍රංශය, බෙල්ජියම හා ඉන්දුනීසියාව අද විශාල ලෙස ගොඩ නැගී ඇති අතර විදෙශිකයන්ගේ පාරාදීශ බවට පත්වී ඇත..

සටහන ආචාර්ය චමින්ද මලලසේකර